Category: Ekonomi | Posted date: Minggu, 25-Aug-2024 22:29 | Posted by: Ugu
Helotimorleste- Sekretáriu Jerál Frente Revolusionária ba Timor-Leste Maubere (Fretilin), Mari Alkatiri, hanoin katak nia nasaun seidauk prontu atu iha relasaun ekonómika no komersiál hanesan ho membru sira hosi Asosiasaun Nasaun Sudeste Aziátiku (ASEAN).
Alkatiri hatete iha entrevista ida ba "Lusa" katak buat ne'ebé importante liu ba Timor-Leste maka determina saida maka nia hakarak hosi ASEAN, 22 Agostu 2024
Tuir nia haree, organizasaun rejionál tenki sai hanesan "plataforma ida hosi globalizasaun Timor-Leste nian" no nasaun ne'e, integradu iha ASEAN, bele hala'o knaar importante ida iha relasaun sira ho CPLP (Komunidade hosi País sira Lian Portugés nian).
Baca juga: Mobiliáriu husi Botir Plástiku Utiliza Lixu Plástiku ba Artezanatu neebé Útil.
“Ita hanesan nasaun ki’ik ida, maibé ita hanesan nasaun ida ne’ebé iha karakterístika espesiál iha termu jeopolítika, no ida ne’e tenke komprende la’ós de’it polítikamente, maibé tenke komprende mós fundamentalmente ekonomikamente, finanseiramente, komersiálmente”, tenik Alkatiri.
Presiza fó hanoin katak, iha Maiu 2023, ASEAN konkorda roteiru konjunta ida ho Timor-Leste ba adezaun tomak, ne’ebé marka ba tinan 2025, ne’ebé inklui preparasaun rekursu umanu, dezenvolvimentu infraestrutura no implementasaun akordu sira organizasaun nian.
Nasaun membru ASEAN atuál mak Brunei, Kamboja, Indonézia, Laos, Malázia, Myanmar, Filipina, Singapura, Tailándia no Vietname.***