Category: Internasional | Posted date: Senin, 19-Aug-2024 09:40 | Posted by: Ugu
Helotimorleste- Ministru Negósiu Estranjeiru no Kooperasaun Repúblika Demokrátika Timor-Leste, Bendito dos Santos Freitas, sei vizita Filipina iha loron 19 to’o 21 fulan-agostu, tuir informasaun hosi Departamentu Negósiu Estranjeiru (Department Foreign Affair/DFA) Philippinies (PH)
Sekretáriu DFA Enrique Manalo ho dos Santos Freitas tuir planu sei hasoru malu hodi ko’alia kona-ba situasaun atuál iha relasaun bilaterál no multilaterál entre Filipina no Timor-Leste, nune’e mós atu troka hanoin kona-ba dezenvolvimentu rejionál no internasionál. Ida ne’e hato’o husi DFA iha komunikadu imprensa ne’ebé fó sai iha sábadu ne’e.
Tuir MSN, vizita ida ne’e sei hanesan dos Santos Freitas nia primeira ba Filipina dezde nia hala’o kna’ar nu’udar ministru Negósiu Estranjeiru.
Timor-Leste, koñesidu mós ho naran Timor-Lorosa'e, hetan independénsia hosi Indonézia iha loron 20 Maiu 2002. Molok tomada-de-pose, Timor-Leste nu'udar kolónia portugés durante sékulu barak to'o Novembru 1975.
To’o agora, Timor-Leste koko atu hetan rekoñesimentu nu’udar membru Asosiasaun Nasaun Sudeste Aziátiku (ASEAN) ba dala 11. Iha tinan kotuk, Prezidente Ferdinand “Bongbong” Marcos Jr. reafirma Filipina nia apoiu ba Timor-Leste nia adezaun tomak iha ASEAN.
"Filipinas haksolok progresu ne’ebé Timor-Leste halo iha implementasaun Roteiru ba adezaun tomak iha ASEAN no fó apoiu ba esforsu ne’ebé Timor-Leste halo iha aspetu ida ne’e", dehan DFA.***