HELOTIMORLESTE.COM - Prezidente Muslumana Timor-Leste, Arif Abdulah Sagran, iha Kuarta feira ne’e hasoru malu ho Vise-Ministru Interior, Antonio Armindo, hodi esklarese kona-ba prezensa sidadaun estranjeiru nain-8 ho inisiál AS, HMS, HJ, AA, AL, SF, UI, MF, inklui WDS nu’udár sidadaun Indonezia ne’ebe tama mai teritoriu nasional hosi Kupang, Provínsia Nusa Tengara Timur (NTT) ho Bus Timor Travel.
“Horseik ita rona informasaun ida lalos katak ema Pakistan nain 8 mai iha ne’e hanesan terorista no informasaun ida ne’e espalla iha komunidade sira nia let. Tanba ne’e atu informa ba komunidade hotu katak informasaun hirak ne’e ita konsidera hoax tanba fulan ida antes sira mai iha ne’e halo uluk ona pedidu formal mai iha Vise-Ministru Interior no hetan ona despasiu iha fulan ida antes inklui halo koordenasaun di’ak ho Diresaun Jeral Servisu Migrasaun no horseik sira to’o iha Dili ho di’ak”, relata Arif Sagran ba jornalista sira hafoin remata enkontru ne’e Ministeriu Interior, Vila-Verde, kuarta (14/06/2023).
Nia dehan, antes mai to’o iha Timor-Leste sidadaun hirak ne’e tuir prosesu normal nune’e nia lamenta tebes ho ema sira ne’ebe mak atu aproveita isu relijiaun ba sira nia interese.
Baca juga: Clear! Rombongan Jemaah Tablig Bukan Teroris, Murni Berdakwah untuk Umat Muslim Timor Leste
“Hau hanoin buat ne’e hoax hosi ema ida rua ne’be’e la gosta ita timor oan. Ita hotu hatene katak iha Timor-Leste komunidade musulmanu ho numeru ida ki’ik maibe moris diak ho hakmatek la iha problema musulmanu timor ho katolik tanba ita iha relasaun di’ak tebes no ita hatudu ba mundu internasional katak nunka iha problema relijaun iha Timor-Leste. No prezensa sira nian iha ne’e sai nu’udár parte ida hodi promóve ka halo promosaun kona-bá Fraternidade Umana, ne’ebé Prezidente Repúblika (PR), Ramos-Horta sempre halo kampaña”, subliña.
Tuir nia, sidadaun hirak ne’e mai ho objetivu atu haklaken dutrina relijiaun Musulumana nian iha Timor-Leste.
“Grupu ida ne’e mai hosi Jamaah Tabligh no laos mai deit hosi Pakistan, maibe Indonezia, Malazia, no Oman. Sira sei halo vizita bá iha Buacau, Lospalos no Same atu haree ita-nia komunidade sira iha ne’ebá ho objetivu atu fo informsaun kona-ba ajaran islam intinya liafuan islam ne’e lian arabi lian bahasa dehan salam damai”, nia klarifika.
Arif Sagran afirma, Jamaah Tabligh sei hela iha Timor-Leste durante loron 25 no sei partisipa no komemora loron Idul Adha ne’ebe monu iha loron 28 fulan ida ne’e nia laran.
Baca juga: Geger, Pria Bernama Wawan Dodi Santoso Anggota Jemaah Tabligh Dari Pakistan Berpaspor Timor Leste
“Se iha vantajen karik Grupu Jamaah Tabligh hakarak halo investementu iha timor tanba sira sempre dehan hamrok atu investe hodi loke kampo traballu iha timor. Sira mos ita bele dehan ema ida ne’ebé moris sufisiente liu hosi natón”, hakotu.
Entretantu, Vise-Ministru Interiór António Armindo konfirma katak, antes Grupu Jamaah Tabligh mai, nia parte simu ona karta pedidu hosi reprezentante komunidade Musulmana iha Timor-Leste.
“Prezidente komunidade Islámika iha Timor-Leste hatama sira-nia pedidu iha 16 Maiu 2023 atu sidadaun sira ne’ebé mak horisehik tama iha Timor, ne’e hetan pedidu formál hosi Prezidente atu sira mai hala’o sira-nia misaun relijiaun nian iha Timor,” António Armindo hateten.
Hafoin rona tiha isu terrorizmu kona-bá sidadaun sira ne’e, Ministériu Interiór rasik ho Servisu Migrasaun halo kedas koordenasaun ho Governu Repúblika Indonézia liuhosi Embaixada iha Dili, ho adidu POLRI (Polísia Repúblika Indonézia), sira konfirma katak, sidadaun sira ne’e la hetan alerta ka informasaun ruma katak sira ne’e ema terrorista ka la’ós terrorista. (sandra/ ax/ apaku/ elio)